LAR24
Azaroa 2018

Irteera ordua: 11:00
Irteera lekua: Concordia Geltokia
Bukaera ordua: 19:00
Bukaera lekua: MEM Exhibition Hall - Bailen 21, Bilbo
20€ bazkaria barne
izena eman

Magical Mystery City Tour Ibilbidea

imagen para Magical Mystery City Tour

Hiri-ekitaldi handietarako egokiak diren hiriko zenbait gune bisitatzeko tour bat egitera gonbidatzen zaituztegu, gune horien memoria berriz ere ezagutzera. Hainbat alorretako adituek eraiki berritako kontakizun hegemonikoaz haratagoko beste kontakizun bat eskainiko digute.

Goizeko 11tatik aurrera bus turistiko batek bisitaldi gidatu bat egingo du hiriko kokaleku ikonikoetan barrena. Zenbait geldialdi egingo ditugu hitzaldi bat emateko, eta ustekaberen bat ere izango da. Hiriari buruzko kontakizun historiko eta alternatiboen eraikuntzaren lekuko izateko aukera bat.

Doan bertaratu ahal izango da hitzaldi bakoitzera eta itxiera-jarduerara. Bus-ibilbideak eta bazkariak 20 euroko kostua izango dute, aldez aurretik izena emanda.

Geldialdiak

Amatxu & Marijaia / Concordia Geltokia

1995ean onartutako Hiri Antolamenduko Plan Orokorrak gainbeheran zegoen hiri industrialaren diagnostiko zehatza ezartzen zuen, mende batez Abandoko ibarrean Zabalgune berria garatu zuen hiri industrialarena, hain zuzen ere. Eta zerbitzuen (ekitaldiak, azokak, biltzarrak, festibalak...) hiri berri bat proiektatzen zuen.

Francisco Javier García de la Torre. Arkitektoa Garcia de la Torre Arquitectos taldean. Bere eraikuntza-proiektuekin aldi berean, ikerketa-lan zabal bat garatzen du kultura arkitektonikoaren alorrean. Errekonozimendua jaso du Arkitekturako eta Hirigintzako Espainiako XIII. Bienalean Ikerketa eta Dibulgazioa atalean bere “transferentzia soziala” dela eta.

Txakurra, armiarma eta ahuntzak: selfi eta museoei buruzko ipuin bat / Salve Zubipean

Guggenheim ez da soilik turisten eta ekitaldien erakarle boteretsu bat: museoa bera ekitaldi gisa eratu zen eta arrakasta hori bere inguruan kutsatzen jakin izan zuen. “Guggenheim ekitaldi” zabal horrek eraldatu egin du Bilboko iragana gogoratzeko modua eta hiriaren etorkizuna imajinatzen du, baina, batez ere, begiratzeko moduan aldatu du.

Jaime Cuenca filosofoa eta arte-kritikaria da. Artearen teoriaren, filosofia politikoaren eta egunerako jardunbideen historiaren elkargunean lan egiten du, eta azkenaldian garatu duen lan-ildoa begiradaren teknologiek esperientziaren eraketa politikoan duten paperaz arduratzen da.

Bazkaria / Open Espazioa. Artiach lantegi zaharra, Botika Zaharra, 70. Bilbao. Bilbao

Menua:

  • entsalada ezberdinen buffeta
  • pikoteoa: natxoak saltsekin, gazta intxaurrekin eta pasekin
  • barazki krema
  • kuskusa
  • postrea
  • kafea
  • ardoa/garagardoa/ura

Bilbo, atrakzio-parkea: Noria-Visión-etik Guggenheimera / PArtxandako patinaje pista

Hiriek gero eta inbidia handiagoa diete atrakzio-parkeei, antza. Esparru seguru eta autobabestuak, non espazioa eszenatoki bihurtzen den pauso bakoitzean, bertatik hiritarra erakarriz esperientzien ordena batean –eta ordenaren esperientziarekin–. Beharbada horregatik jada ez da beharrezkoa atrakzio-parkeak aldirietara eramatea, parke horien arkitektura hiri-mendi baten urruntasun hurbilean instalatuta. Atrakzio-parke berria hiriaren kondizio berria bada, bere ibilbide, fabula eta Ameriketatik ekarritako bere izar-muntaiekin, orduan 70eko hamarkadako parke zaharra ezabatu ahal izan dugun lorratza da... ongiegi imitatu dugulako. Gure haurtzaroa bezala".

Fernando Bayón Deustuko Unibertsitateko Filosofiako doktorea da, eta unibertsitatean bertan lan egiten du Aisiazko Ikaskuntzen Institutuko ikertzaile gisa eta Modernitatearen Filosofiako irakasle gisa Gizarte eta Giza Zientzien Fakultatean. Argitalpen ugariren egilea da, arteen teoria kritikoarekin eta gune publikoaren eraikuntza sozialarekin lotutakoak.

"The world has long been full of Madonna wannabes” / BEC sarreran

Justin Timberlake-k esaten zuen hori egia bada, dena aldatzen da. Aitor dezagun.<7p>

Ibai Etxezarraga Alvarez, Imajik Design Factory lantaldeko arkitekto sortzaileetako bat da, eta gaur egun arkitekto eta proiektu estrategikoen diseinatzaile gisa egiten duen lana hiria bere inguruan nola garatzen den aztertzeko interes bereziarekin uztartzen du. Azken 8 urteetan, proiektu sortzaileak burutu ditu, proiektu horiek taxutzearekin hasi eta egikaritzeraino. Arlo arkitektonikoaz gain, beste zenbait arlo ere esploratu ditu sormenarekin, kulturarekin, artearekin eta proiektuen kudeaketarekin lotutako esparruetan.

MEM Exhibition Hall-era bisita gidatua / Bailén 21

MEM Exhibiton Hall erakusketa aretora bisita gidatua, Txema Agiriano komisarioaren eskutik.

Programa

AST21
Azaroa 2018









19:00 BilboRock
EKITALDIETAKO HIRIKO GAITZAK
Hiri-eztabaidak

OSTE22
Azaroa 2018

9:30 BilboRock
FESTIMATON
Jaialdien maratoia - Hitzaldiak
-
19:00 BilboRock
HIRI PILULAK
Mikro-hitzaldiak
-
21:00 Nordisk Txokoa
TUPPER BACKPACK "KIT GASTRONOMIKOA JAIALDIETARAKO"
Gastronomia lantegia eta afaria

OSTI23
Azaroa 2018

9:30 BilboRock
FESTILAB
Hitzaldiak eta sorkuntza lantegia
-
20:00 BilboRock
BIG BEST INCREDIBLE FESTIVAL EVER
Ikus-entzunezko Iturri Kodea
-
21:00 BilboRock
ERABILERA ANITZEKO GARBITZAILEA vol.1
Zuzeneko ikus-entzunezko nahasketa

LAR24
Azaroa 2018

11:00 Concordia Geltokia
MAGICAL MYSTERY CITY TOUR
(Bidea)
-
21:00 Shake!
ERABILERA ANITZEKO GARBITZAILEA vol.2
Zuzeneko ikus-entzunezko nahasketa
-
22:00 Shake!
ESCAPE-ISM vol.2
Kontzertua

IGA25
Azaroa 2018


11:00 Open Espazioa
RAUBDRUCKERIN
Ehungintza estanpazio lantegia
-
14:00 Open Espazioa
ERABILERA ANITZEKO GARBITZAILEA vol.3
Zuzeneko ikus-entzunezko nahasketa

12-25
Azaroa 2018








Martzanako Kaia
MASS TOURISM
Argazki erakusketa